Komantxe Konpartsa

2015-06-23

Emakume konpartsakideentzat autodefentsa tailerra

Zabaldu zure konpartsan

Gogoratu! Gauean Bilboko Auzoetako Jai Batzordeek eta Bilboko Konpartsak... Bilbo osoa argituko dute!

Gora Jai Herrikoiak

2015-06-13

Munduko Arrozak XII. edizioa

Ekainaren 13ean Munduko Arrozak XII. edizioa egingo dugu eta horretan parte hartzeko gonbidapena luzatzen dizue Bilbo Zaharra, San Frantzisko eta Zabalako Taldeen Koordinakudeak

Munduko Arrozen jaia ekainaren 13an ospatuko dute San Frantzisko auzoan
Mariaren Bihotza plaza munduko arrozez beteko da ekainaren 13an. Aurretik izena emandako 3.000 lagunek izango dute parte hartzeko aukera. Ekimenaren 12. edizioaren antolaketan sortuko diren gastuei aurre egiteko, aurten, partaideei borondatea eskatuko zaie. Nork bere aldarrikapen eta mezuak zabaltzeko aukera izango du plazan kartel, irudi, audio edota bideoak aurretiaz sortuz.
http://sareantifaxista.blogspot.com/2015/05/munduko-arrozen-jaia-ekainaren-13an.html

Antolatzailea: Bilbo Zaharra, San Frantzisko eta Zabalako taldeen Koordinakundea

2015-05-21

"Herri Administrazioak eta Okupazioa"

Bilboko Okupazio Bulegoak zazpi urte daramatza, arrazoi ezberdinak medio, okupazioa etxebizitza lortzeko bide bezala aukeratu duten pertsona guztiei aholkua eskaintzen. Gizarte eragile zein pertsona eta lagun taldeengandik, hamaika dira gure artetik pasa izan diren kasuak eta esperientzia anitz guzti hauek bultzatu gaituzte txosten hau aurkeztera.
"Herri Administrazioak eta Okupazioa" izena duen txostenarekin Instituzioek okupazioaren inguruan hitz egitean kontutan izan behar dituzten baldintza legalak ikertu eta laburbildu nahi izan ditugu. Baina ez soilik hori, okupazioa etxebizitza eskuratzeko problematikaren testuinguruan kokatu nahi dugu eta eremu horretan erakunde publikoen esku dauden jarduera ildo ezberdinen inguruan hausnarketa eta eztabaida bultzatzea ere badugu helburu.
Ez da gure intentzioa alderatzea, ekarpena egitea baizik. Gaur egun gizarteak bizi duen egoera ikusita, inoiz baino argiago ikusten dugu guztion arteko diskurtso berriak eraikitzearen beharra. Horretarako formazioa eta eztabaida ezinbestekoak dira eta horiek pizteko tresna gisa argitaratu dugu txosten hau. Lagungarri izatea espero dugu eta edozein galdera edo proposamenik izanez gero, zalantzarik ez izan gurekin harremanetan jartzen.

[PDF] "Herri Administrazioak eta Okupazioa"
https://drive.google.com/file/d/0B6ryG860QXIrWm1HaWM0b25kN0U/view?usp=sharing